काठमाडौं । गायक दीपक लामाले ‘ल्होछार मेला’ सेलो गीत ल्याएका छन् । ल्होछार पर्वको महत्त्व दर्शाउने यो गीतमा दीपकलाई गायनमा तामाङ सेलो गायिका सुमिना लोले साथ दिएकी छन् ।
तामाङ लयको यो गीतमा छेवाङ डी स्याङ्बोको शब्द तथा संगीत छ । जोगलाल लामाले एरेन्ज गरेका छन् ।
डम्फुको तालामा नाचौं न
ल्होछार मेलैमा
चिनजान गरौं हाँसखेल गरौं
भेट भाको भेट भाको बेलैमा
वर्ष दिनमा मनाइने ल्होछार पर्व हाँसीखुसीले मनाउनुपर्छ भन्ने सन्देश दिने भावको गीत मिनसेङ रेकर्डिङ स्टुडियोमा रेकर्ड गरिएको हो । ल्होछार पर्वलाई सांस्कृतिक पर्वको रूपमा पनि मानिने भएकाले तामाङ सेलो गीतप्रेमीलाई लक्षित गरी यो गीत सार्वजनिक गरिएको गायक लामाको भनाइ छ ।
एक महिनाअघि मात्रै दीपकले तामाङ सेलो गीत ‘साहिंली’ सार्वजनिक गरेका थिए ।
पर्साको ठोरीका बासिन्दा दीपकको ‘ल्होछार मेला’ गीत ‘प्रेम लामा’ युट्युब च्यानलमा रिलिज गरिएको छ ।
