Saturday, January 11, 2025
घरक्राइम चेकराष्ट्रिय बाल दिवसमा "ओजन फर लाइभ" विषयक वक्तृत्त्वकला 

राष्ट्रिय बाल दिवसमा “ओजन फर लाइभ” विषयक वक्तृत्त्वकला 

वीरगंज/राष्ट्रिय बाल दिवसको अवसरमा लिभिङ विथ इन्भायोरन्मेन्ट नामको संस्थाले “ओजन फर लाइभ” शीर्षकमा वक्तृत्वकला प्रतियोगीता सम्पन्न गरेको छ ।

सो प्रतियोगितामा वीरगंजका विभिन्न ११ विद्यालयका विद्यार्थीहरूले भाग लिएका थिए । प्रतियोगीहरुले आफ्नो मन्तब्यमा ओजनको अवस्थिति, त्यसको काम , मानव जीवनमा त्यसको महत्त्व, ओजनको संरक्षणकालागि खेल्नु पर्ने भूमिकाका बिषयमा आफ्ना भनाई राखेका थिए ।

प्रतियोगितामा गौतम माध्यामिक विद्यालयका स्पन्दन चौधरी प्रथम, आन्नद चौधरी द्वितीय र माइस्थान विद्यापीठ की रुपा गिरी तृतीय भएका थिए । प्रतियोगितामा बिजयी प्रतियोगीहरुलाई पुरस्कार तथा मेडल प्रदान गरिएको थियो ।

कार्यक्रममा डा. सुष्मा तिवारीले विद्यार्थीले ओजन तहका बारेमा ब्यक्त गरेका बिचारहरु निकै महत्वपूर्ण रहेको बताउनु भयो । विगतलाई स्मरण गर्दै यही उमेरमा आफूहरु यसरी मंचमा चढेर बिचार ब्यक्त गर्न सक्ने भएका थिएनौं भन्दै डा. तिवारीले अहिले भाईबहीनीहरुमा ढुक्कसँग बिचारको प्रस्तुती गर्ने कला देखेर खुशी व्यक्त गर्नु भयो।

कार्यक्रममा जनमत पार्टीका जिल्ला अध्यक्ष ओम प्रकाश सर्राफले कार्यक्रम निकै प्रभावकारी रहेको बताए । उनले प्रकृतिको संरक्षणमा आजको युवा पुस्ताले गहन जिम्मेवारी निर्वाह गर्नु पर्ने बताए ।

कार्यक्रममा राष्ट्रिय भूमि आयोग पर्साका अध्यक्ष तवरेज अहमद, नेपाल पत्रकार महासंघका केन्द्रिय सदस्य के.सी.लामिछाने तथा लिभिङ्ग विथ इन्भायोरेन्मेन्टका केन्द्रीय सचिव देवेश सर्राफले निर्णायकको भूमिका निर्वाह गरेका थिए ।

फिरोज अन्सारीको अध्यक्षतामा भएको कार्यक्रममा इक्वाल हैदर, दिपेश वरनवालले मन्तब्य ब्यक्त गरेका थिए ।

कार्यक्रमको संचालन आयुष्मा सर्राफले गरेकी थिइन । कार्यक्रममा सहभागी सबै प्रतियोगीलाई सहभागिताकोलागि सम्मान सहित प्रमाण पत्र प्रदान गरिएको थियो ।

प्रतियोगितामा खालिद रेजा अन्सारी,आशुतोष चौधरी,योगिशा श्रेष्ठ,मुस्कान बरनवाल,सोनी साह कलवार,आकाश साह लगायतले भाग लिएका थिए ।

अर्को के पढ्ने...
- Advertisment -spot_img
- Advertisment -