सुनसरी/सुनसरीमा स्रोत नखुलेको रु एक करोड एक लाखसहित एकजनालाई पक्राउ गरिएको छ।
हरिनगर गाउँपालिका- ५ दुर्गा मन्दिर नजिकबाट गए राति हरिनगर- ५ का ३७ वर्षीय इसा अन्सारीलाई पक्राउ गरिएको हाे।
सशस्त्र प्रहरी बल, नेपाल बोर्डर आउट पोष्ट वसन्तपुरको चेकप्वाइन्ट टोलीले घुस्की नाकाबाट हरिनगरतर्फ जाँदै गरेको बा १६ च ७६१३ नम्बरको कारमा निरीक्षण गर्दा बोरामा लुकाइराखेको अवस्थामा उक्त रकम फेला परेको प्रहरीले जनाएको छ।
उक्त रकम हुन्डी कारोबारको भएको आशंका गरिएको छ।
बरामद रकम, कार र चालकलाई राजस्व अनुसन्धान कार्यालय पठाइने सशस्त्र प्रहरी बल, बराहवाहिनीका सहप्रवक्ता शैलेन्द्र थापाले बताए।
