काठमाडौँ । सिन्धुपाल्चोकको लिशंखुपाखर गाउँपालिका–६, पेट्कुस्थित मन्दिरमा देवीको मुर्ति प्रतिस्थापनका लागि साहित्यकार हिराबहादुर खड्काले रु. १ लाख १ रुपैयाँ सहयोग गरेका छन्।
उक्त सहयोग रकम मन्दिर निर्माण तथा व्यवस्थापन समितिका अध्यक्ष रामशरण खड्कालाई औपचारिक समारोहबीच हस्तान्तरण गरिएको हो। सहयोगसँगै खड्काले मन्दिर सञ्चालनलाई दीगो बनाउन प्रत्येक सदस्यले मासिक रु. ५०० कोषमा जम्मा गर्ने प्रस्ताव राखेका थिए, जसलाई समितिले सर्वसम्मतिले पारित गरेको छ।
त्यसैगरी, काठमाडौंबाट आउने भक्तजन तथा दाताहरूलाई आवासीय सुविधा प्रदान गर्ने उद्देश्यले परिवार आवास गृह निर्माण गर्ने जिम्मेवारी समितिले ग्रहण गर्ने निर्णय पनि भएको छ।
मन्दिर निर्माण समितिको नेतृत्व रामशरण खड्काले गरिरहेका छन्। समितिमा सचिव राजेन्द्र खड्का, कोषाध्यक्ष सन्तोष खड्का, सदस्यहरू राजकुमार खड्का, बिनोद खड्का, सुरुज खड्का र रमेश खड्का रहेका छन्।
समितिका पदाधिकारी तथा स्थानीयवासीहरूले साहित्यकार खड्काद्वारा गरिएको योगदानलाई उच्च सम्मानका साथ कृतज्ञता प्रकट गरेका छन्।
