पेट्रोलमा २ रुपैयाँले मूल्यवृद्धि, डिजेल–मट्टितेल १ रुपैयाँले सस्तो
काठमाडौं, साउन ३० — नेपाल आयल निगमले पेट्रोलियम पदार्थको मूल्य समायोजन गर्दै पेट्रोलको खुद्रा मूल्य प्रतिलिटर २ रुपैयाँले बढाएको छ भने डिजेल र मट्टितेलको मूल्य प्रतिलिटर १ रुपैयाँले घटाएको छ।
निगमका अनुसार आज साउन ३० गतेदेखि लागू हुने नयाँ दरअनुसार पेट्रोलको मूल्य पहिलो क्षेत्रमा १८१ रुपैयाँ २० पैसा, दोस्रो क्षेत्रमा १८३ रुपैयाँ र तेस्रो क्षेत्रमा १८४ रुपैयाँ कायम भएको छ। डिजेल/मट्टितेल भने पहिलो क्षेत्रमा १७१ रुपैयाँ २० पैसा, दोस्रो क्षेत्रमा १७३ रुपैयाँ र तेस्रो क्षेत्रमा १७४ रुपैयाँमा उपलब्ध हुनेछ।
नयाँ मूल्य आइतबार राति १२ बजेदेखि लागू हुने निगमले जनाएको छ। मूल्य समायोजन इन्धन आयल कर्पोरेशनबाट प्राप्त खरिद मूल्यको आधारमा गरिएको हो।
हेर्नुहोस् मूल्यसूचि
