वीरगंज, १६ साउन । सिमरा भेट्रान क्लबको आयोजनामा भदौ २१ गतेदेखि २८ गतेसम्म सिमरा रंगशालामा अन्तर्राष्ट्रिय महिला फुटबल प्रतियोगिता आयोजना हुने भएको छ । क्लबले शनिवार पत्रकार सम्मेलनमा प्रतियोगितावारे जानकारी गराएको हो । क्लब अध्यक्ष राजकपुर राउतका अनुसार प्रतियोगितामा नेपाल पुलिस क्लब, नेपाल एपीएफ क्लब, त्रिभुवन आर्मी क्लब, मोरङ जिल्ला फुटबल संघ, रौतहट जिल्ला फुटबल संघ, धरान सिटी फुटबल क्लब, दार्जिलिड्ढो कुरूसङ गल्स फुटबल एकेडेमी र आयोजक क्लब गरी ८ टिमको सहभागीता रहने र रात्री समयमा प्रतियोगिता सिमरा रंगशालामा सञ्चालन हुनेछ । प्रतियोगिताको विजेता टोलीले नगद पाँच लाख रुपियाँँ र उपविजेताले दुर्ई लाख ५० हजार रुपियाँँ प्राप्त गर्नेछ । त्यस्तै, सर्वाेत्कृष्ट खेलाडीलाई एक लाख रुपियाँँ तथा उत्कृष्ट डिफेन्डर, मिडफिल्डर, गोलरक्षक, फरवार्ड र प्रशिक्षकलाई जनही १० हजार रुपियाँँ पुरस्कार प्रदान गरिनेछ । चार वर्षदेखि भेट्रान फुटबल आयोजना गर्दै आएको सिमरा भेट्रान क्लबले महिला फुटबलको विकास र प्रवद्र्धनका लागि यसपटकदेखि महिला फुटबल प्रतियोगिता शुरू गरेको हो । कार्यक्रममा बारा जिल्ला फुटबल संघका अध्यक्ष रामचन्द्र लामाले पछिल्लो समय महिला फुटबलप्रति बढ्दो आकर्षण देखिएको बताए । उनले सिमरालाई महिला फुटबल खेलाडी उत्पादनको केन्द्र बनाउन सकिने धारणा राखे । कार्यक्रममा जीतपुरसिमरा उपमहानगरपालिका वडा नं. १४ की अध्यक्ष चयन गुरूङ र वडा नं. २ का अध्यक्ष धनबहादुर श्रेष्ठ, नव जनजागृति युवा क्लबका महासचिव शम्भु सिंह ठकुरी र आयोजक क्लबका हरी चौधरीलगायतको सहभागिता थियो ।