वीरगंज, १७ असार । जिल्ला प्रहरी कार्यालय बाराले मोटरसाईकल चोरीमा संलग्न रहेको आरोपमा ३ जनालाई पाँचवटा मोटरसाईकलसहित पक्राउ गरेको जनाएको छ । विभिन्न मिति, समयमा चोरी भएको मोटरसाइकल खोजतलास गर्ने क्रममा इलाका प्रहरी कार्यालय कोल्हवी बाराबाट प्रहरी निरीक्षक रंजन मिश्रको कमाण्डमा खटीएको प्रहरी टोलीले ५ वटा मोटरसाइकलसहित तीनजनालाई पक्राउ गरेको जनाएको छ । पक्राउ पर्नेमा जिल्ला बारा कोल्हबी नगरपालिका–१ कोल्हबी बस्ने वर्ष २१ को राहुल बि.क, वर्ष २३ को अर्जुन खवास, वर्ष २३ को मुस्कान चौधरी रहेको जिल्ला प्रहरी कार्यालय, बाराले जनाएको छ । प्रहरीले प्र.२–०३–००६ प ६५१५, ना. ४८ ५. ६९७०, बा. ९४ प. २१४६, ना. ६५ प. ८८६०, प्रदेश २–०३–००५ प ६२२६ को मोटरसाइकल बरामद गरेको छ । पक्राउ परेकाहरुमाथि चोरी सम्बन्धी कसुर मुद्दामा बारा जिल्ला अदालतबाट म्याद थप लिई थप अनुसन्धान भइरहेको जिप्रका, बाराले जनाएको छ ।