काठमाडौं, ६ जेठ — प्रधानमन्त्री केपी शर्मा ओलीको स्वास्थ्यमा समस्या देखिएपछि मंगलबार प्रतिनिधिसभामा तय गरिएको सांसदहरूसँगको प्रश्नोत्तर कार्यक्रम स्थगित गरिएको छ। प्रधानमन्त्रीको सचिवालयका अनुसार ओलीलाई रुघाखोकीको संक्रमण देखिएको छ।
स्वास्थ्य स्थिति नाजुक नबताइए पनि, सोमबार साँझको मन्त्रिपरिषद् बैठकसमेत स्थगित गरिएको छ। संसद सचिवालयले आजका लागि प्रधानमन्त्रीसँग प्रत्यक्ष प्रश्नोत्तरको कार्यतालिका तय गरेको थियो। यद्यपि, स्वास्थ्य अवस्थाका कारण कार्यसूची तत्कालका लागि रोकिएको प्रमुख सचेतक महेश बर्तौलाले जानकारी दिए।
