वीरगंज/बाराको महागढीमाई नगरपालिकामा धारिलो हतियार प्रहार गरी शनिबार राति एक जनाको हत्या भएको छ।
हतियार प्रहार गरी महागढीमाई नगरपालिका-१ सेमरा तेगछीया बस्ने ५० वर्षीय श्रीनारायण प्रसाद यादवको हत्या भएको प्रहरीले जनाएको छ।
राती आठ बजेको समयमा अज्ञात समूहले यादवलाई धारिलो हतियार प्रहार गरि गम्भीर घाइते बनाएको थियो।
घाइते भएका उनको उपचारको लागि प्रादेशिक अस्पताल कलैयामा लगिएकोमा उपचारको क्रममा ज्यान गएको जिल्ला प्रहरी बाराका सूचना अधिकारी डिएसपी प्रकाश सापकोटाले जानकारी दिए ।
यादवमाथि हतियार प्रहार गरेको आरोपमा तीन जनालाई पक्राउ गरिएको तथा घटनाको समबन्धमा थप अनुसन्धान भइरहेको सापकोटाले बताए ।
अनुसन्धानकै क्रममा रहेकोले पक्राउ परेकाहरुको बारेमा प्रहरीले खुलाएको छैन ।
