Friday, April 12, 2024
घरक्राइम चेकअवैध काठसहित तीन जना पक्राउ

अवैध काठसहित तीन जना पक्राउ

जनकपुरधाम – सिरहा प्रहरीले अवैध काठसहित तीनजनालाई पक्राउ गरेको छ।

पक्राउ पर्नेमा पिकअप चालक सिरहाको कर्जन्हा नगरपालिका–३ बस्ने २९ वर्षीय जीवन साह, ३० वर्षीय जितेन्द्र मुखिया र १५ वर्षीय रामबृक्ष भन्ने विवेक महतो रहेको जिल्ला प्रहरी कार्यालय सिरहाले जनाएको छ।

मंगलबार बिहान ४ बजे कर्जन्हा नगरपालिका–४ स्थित ईन्द्रजित महतोको गोदाम घरमा प्रदेश ३–०१–०२२ च ८६६८ नम्बरको पिकअपबाट अनलोड गरी रहेको अवस्थामा काठ बरामद गरेको सिरहाका प्रहरी प्रवक्ता प्रहरी नायब उपरीक्षक रवीन्द्रराज पाण्डेले जानकारी दिए।

प्रहरीले फेन्टा ३६ थान, झ्याल ६ थान, बोल्डर २७ थान, काठको गुलिया १ थान गरी कुल ५ लाख बराबरको काठ तथा प्रदेश १–०२–०५२ प १७२४ नम्बरको मोटरसाइकल, स ११ प १७३५ नम्बरको मोटरसाइकल र प्रदेश ३–०१–०२२ च ८६६८ नम्बरको पिकअप भ्यान नियन्त्रणमा लिएको जिल्ला प्रहरी कार्यालय सिरहाले जनाएको छ।

बरामद गरिएको सालको काठ, गाडी र पक्राउ परेकाहरुलाई आवश्यक कारबाहीको लागि जिल्ला डिभिजन वन कार्यालय लहान सिरहामा बुझाइएको प्रहरीले जनाएको छ।

RELATED ARTICLES

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

- Advertisment -

News & Updates

Recent Comments