Tuesday, June 18, 2024
घरक्राइम चेकमध्यावधिको तयारी छैन: मुख्यमन्त्री कार्की

मध्यावधिको तयारी छैन: मुख्यमन्त्री कार्की

काठमाण्डौ/कोशी प्रदेशका मुख्यमन्त्री हिक्मतकुमार कार्कीले आफूहरु मध्यावधिको तयारीमा नरहेको बताएका छन ।

शुक्रबार विश्वासको मत लिने कार्कीको प्रस्ताव प्रदेशसभाले अस्वीकृत गरेको थियो ।प्रस्तावको पक्षमा जम्मा ४६ मत खस्यो, बहुमतका लागि ४७ आवाश्यक पर्छ ।

कार्कीले विश्वासको मत नपाएसँग एमाले नेतृत्वको सरकार ढल्यो भने अब नयाँ सरकार गठनको प्रक्रिया सुरु हुने भएको छ । प्रदेशसभा बैठकबाट बाहिरिने क्रममा सञ्चारकर्मीहरुसँग कुरा गर्दै कार्कीले अब प्रदेशसभाको सबभन्दा ठूलो दलको नेतृत्वमा सरकार बन्नुपर्ने बताएका छन् ।

१६८(३) मा प्रदेशसभाको सबभन्दा ठूलो दलको नेतालाई मुख्यमन्त्री नियुक्त गर्ने व्यवस्था छ । कार्कीले भने, ‘तीन हुनुपर्ने हो, २ को प्रक्रिया सकिएपछि तीन हुनुपर्ने हो, प्रदेश प्रमुखले जे आह्वान गर्नुहुन्छ, त्यही हुन्छ ।’

१६८(२) अनुसार सरकार गठनको आह्वान भए एमालेले नेतृत्व दाबी गर्छ भन्ने प्रश्नमा उनले नगर्ने बताए । प्रतिपक्षमा बस्ने हो भन्ने प्रश्नमा उनले भने, ‘परिस्थितिले जहाँ पुर्यापउँछ, त्यही बस्ने हो

’मध्यावधिबारे सोधिएको प्रश्नमा कार्कीले भने, ‘मध्यावधीको तयारीमा छैनौं, परिस्थितिले पुर्यायो भने जाने हो ।’

अर्को के पढ्ने...
- Advertisment -spot_img
- Advertisment -