काठमाडौँ/ माओवादी केन्द्रले संसदीय दलको नेता र प्रमुख सचेतक चयन गरेको छ।
बिहीबार प्रतिनिधिसभा सदस्यको शपथ ग्रहणपछि सिंहदरबारमा बसेको माओवादी संसदीय दलको बैठकले पार्टी अध्यक्ष पुष्पकमल दाहाल प्रचण्डलाई संसदीय दलको नेता र हितराज पाण्डेलाई प्रमुख सचेतक चयन गरेको हो।
संसदीय दलको बैठक अघि पार्टी कार्यालय पेरिसडाँडामा पदाधिकारी बैठक बसेको थियो।
बैठकले दाहाललाई दलको नेता र पाण्डेलाई प्रमुख सचेतक बनाउने पार्टी निर्णयलाई दलले अनुमोदन गरेको हो।
माओवादीले राष्ट्रियसभा संसदीय दलको नेता नारायणकाजी श्रेष्ठ बनाउने भएको छ। प्रमुख सचेतक गोपीबहादुर सार्की अछामी र सचेतक गंगाकुमारी बेल्वासे नियुक्त भइसकेका छन्।
