कालिन्चोक केवलकारको पुर्व प्रधानमन्त्री ओलीद्वारा उद्धघाटन

0

काठमाण्डौ ,

मुलुककै तेस्रो केबलकारको रुपमा सञ्चालित कालिञ्चोक केबलकारको उद्घाटन शुक्रबार भएको छ । दोलखाको कालिञ्चोक भगवती मन्दिरमा सञ्चालनमा रहेको सो केबलकारको पूर्वप्रधानमन्त्री एवं नेकपा एमालेका अध्यक्ष केपी शर्मा ओलीले गर्ने कार्यक्रम तय भएको थियो ।

कालिञ्चोक दर्शन लिमिटेडका अध्यक्ष बालकृष्ण शिवाकोटीले शुक्रबार बिहान केबलकारको उद्घाटन भएको जानकारी दिए । २०७५ सालबाट व्यावसायिक रुपमा सञ्चालनमा आएको सो केबलकारको औपचारिक रुपमा उद्घाटन भने भएको थिएन ।

शुक्रबार दोलखाको शैलुङमा हुने एक साहित्यिक महोत्सवको उद्घाटनका लागि ओली त्यसतर्फ जान लागेका हुन् । ओलीको स्वागतको लागि दोलखा एमालेको एउटा टोलि हिजो नै कालिन्चोक पुगिसकेको थियो ।

केबलकारबाट मन्दिरसम्म पुग्न पाँच मिनेट मात्र लाग्ने उनले उनले बताए । कालिञ्चोकका कुरीसम्म सडकको अवस्था सुधार भएको र केबलकार निर्माण सुरु भएपछि सुविधा सम्पन्न होटलहरू समेत ३ दर्जन बढी खुलेका छन् । होटलको संख्या बढ्दै छन् । केबलकारबाट कुरी बजार र हिमालका मनोरम दृश्य नजिकबाट नियाल्न सकिन्छ । कालिञ्चोक केबुलकार ४५ करोड रुपियाँ लागतमा सम्पन्न भएको हो ।

स्वीस प्रविधिबाट निर्माण गरिएको केबुलकार मनकामना र चन्द्रागिरीको भन्दा फरक प्रविधिको रहेको छ । केबुलकार सञ्चालनमा आएसँगै दोलखाको विकासका लागि सहज हुने विश्वास गरिएको छ ।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्