बीरगंज १४ भदौं । सार्वजनिक जग्गा संरक्षणमा स्थानीय सरकारको भूमिका प्रभावहीन देखिएपछि बाराको सयौं बिघा जग्गा भू – माफियाको कब्जामा परेको खबर छ ।
सार्वजनिक जग्गा हडप्न स्थानीय जनप्रतिनिधिको मिलेमतोमा देखिएको भन्दै उजुरी समेत गरेका छन् ।
स्थानीय सरकार सञ्चालन ऐन २०७४ ले सार्वजनिक जग्गा संरक्षणको अधिकार स्थानीय सरकारलाई दिएको भएपनि बारा जिल्लामा सयांै बिगाह जग्गामाथि बिचौलियाले चलखेल गरेकोे छ ।
जिल्ला प्रशासनमा र अख्तियार हेटौडामा परेको उजुरीले जग्गा भूमाफियाको कब्जामा रहेको देखाएका छन ।
जग्गा हडप्न किर्ते कागज बनाई राजनीतिक दलका केही नेताको ईशारामा मालपोतका कर्मचारी तथा केही स्थानिय जनप्रतिनिधिहरुको संलग्नता भेटिएकाले अनुसन्धान भइरहेकोे छ ।
दोस्रो अन्तर्रा्ष्टिय विमानस्थल, काठमाण्डौ – निजगढ द्रुतमार्ग, सिमरा सेज, पथलैया – वीररगजं औद्योगिक करिडोर निर्माण र सञ्चालनको तयारीमा रहेपछि भ–ूमाफियाले जनप्रतिनिधि र मालपोतका कर्मचारीहरुलाई प्रलोभनमा पारेर जग्गा कब्जा गर्न सफल भएको प्रशासनको आशंका रहेको छ ।
बाराका जिल्ला प्रमुख अधिकारी राजेश पौडेल जग्गाका रक्षक नै भक्षक हुन थालेको बताउँदै अनुसन्धानपछि दोषीलाई कडा कारबाही गरिने जनए ।
बारा प्रशासनले छानबिनकालागि अख्तियारको कार्यालय हेटौडामा पठाएका उजुरीहरुमध्ये अधिकाशं जितपुर–सिमरा उपमहानगरपालिकाभित्रका सार्वजनिक जग्गा परेका छन् ।
सबै भन्दाबढी भुमि सम्बन्धी उजुरी बाराबाट आइरहेको बताउँदै अख्तियारको कार्यालय हेटौडाकी प्रमुख हुमकला पाण्डेले भु–माफियाको विषयमा गम्भीर ढंगले अध्ययन भइरहेको बताउँछिन् ।
यता कोहल्बी नगरपालिकाको पनि ३० देखि ३५ बिगाहा सुकुम्बासीहरुको जग्गा भू–माफियाले आफनो कब्जामा राखेका छन् ।
