लिउड सुपरस्टार अजय देवगनको अलग्गै पहिचान छ । कहिले उनी कमेडी फिल्म लिएर आउँछन् त कहिले एक्सन थ्रिलर फिल्म लिएर आउँछन् । बलिउडमा अजयको राज ९० को दशकदेखि नै चलिरहेको छ । यस क्रममा उनले धेरै हिट फिल्म दिए र धेरै स्टारहरुसँग काम गरे । तर यो बीचमा तीन हिरोइन यस्ता निस्किए जसले अजय देवगनसँग काम गर्न अस्वीकार गरिदिए । यी हिरोइनहरु बलिउडमा टप छन् तर उनीहरुले अजयलाई रिजेक्ट गर्नुको कारण भने खुलाएका छैनन् ।
यो लिस्टमा पहिलो नाम हो प्रियंका चोपडा । प्रियंकाको सुन्दरता र अभिनय कलाले विश्वभरी चर्चा पाएको छ । बलिउडमा अपार सफलतापछि उनी अहिले हलिउड पुगेकी छिन् । तर प्रियंकाले अहिलेसम्म दुई खान सलमान र शाहरुखसँग काम गरेपनि आमिर खानसँग काम गरेकी छैनन् । यतिमात्र होइन उनले अजय देवगनसँग काम गर्न त सिधै अस्वीकार गरेकी छिन् । १५ वर्षको करिअरमा प्रियंकालाई अजयसँग काम गर्न अफर आए पनि उनले रिजेक्ट गरिन् ।
यो लिस्टमा दोस्रो नाम हो कटरिना कैफ । कटरिनाले अनेकौं हिट फिल्म दिएकी छिन् । बलिउडका तीन खानसँग काम गरेकी कटरिनाले १५ वर्षको करिअरमा अहिलेसम्म अजयसँग कुनै फिल्ममा काम गरेकी छैनन् । कटरिनालाई अजयसँग काम गर्ने अफर नआएको भने होइन । अजयको सुपरहिट फिल्म सिंघममा कटरिनालाई काव्याको रोल दिइए पनि उनले अस्वीकार गरेपछि काजल अग्रवाललाई लिइएको थियो ।
तेस्रो नाम हो दिपिका पादुकोण । दिपिका अहिले सफलताको शिखरमा छिन् । १० वर्षको करिअरमा दिपिकाले कैयौं सुपरहिट फिल्म दिइन् । संजय लिला भंसालीको गोलियों की रासलिला रामलिला, बाजीराव मस्तानी, पद्मावतजस्ता फिल्ममा चुनौतीपूर्ण भूमिका गरेर आफूलाई प्रमाणित गरेकी दिपिकाले अहिलेसम्म अजयसँग कुनै फिल्ममा काम गरेकी छैनन् । दिपिकाले अजय मात्र नभइ सलमान खानलाई समेत रिजेक्ट गरेकी छिन् । उनलाई अजय र सलमानसँग काम गर्न अफर भने आएको थियो ।
