-स्वर्णविक्रम शाह
शुभारम्भ युथ क्लब द्वारा आयोजित शुभारम्भ 7 ए साईड खुल्ला फुटबल प्रतियोगिता हिजोबाट शुरु भएको छ । हिजो भएको सुरुवाती पहिलो खेल आयोजक टिम शुभारम्भ युथ क्लब र तारा युथ क्लब बिच भएको थियो जुन खेलमा तारा युथ क्लबले शुभारम्भलाई १ का बिरुद्ध २ गोल प्रहार गरि बिजय हासिल गरेको थियो ।
त्यस्तै आज बिहान भएको खेलमा आहवान युबा क्लबले फेरा वाई यसलाई १ गोलका बिरुध्दमा ९ गोल प्रहार गरि विशाल गोलको अन्तरले जित हासिल गर्यो । आजै भएको अर्को खेलमा पंचकुमारी समाजले सिंहामंगल युथ क्लबलाई दुई गोलको बिरुध्दमा ३ गोल प्रहार गरि आफ्नो खातामा जित पार्न सफल भयो ।
त्यसै गरि आजै भएको तेस्रो खेलमा ए टु जेट स्पोर्टसले प्रायस्वर फुटबल क्लबलाई १ का बिरुध्द ४ गोल प्रहार गरि जित हासिल गरे । यसरी नै आजै भएको अन्तिम खेलमा मिरमिरे युथ क्लबले आफ्नो प्रतिद्वन्दि टिम शान्ति सेवा गृहलाई ० का बिरुद्ध ४ गोलको विशाल अन्तरले पराजित गर्न सफल भयो ।
