स्वर्ण बिक्रम शाह/
काठमाण्डौ, ११ असोज/
कि·कम स्पोर्टस क्लबद्वारा आयोजित तेश्रो किंगकम भेटेरान फुटबल प्रतियोगिताको फाईनल खेल आज पूर्व उपप्रधानमन्त्री प्रकाशमान सिंहको प्रमुख आतिथ्यमा भव्यताका साथ सम्पन्न भयो ।
उक्त फाईनल खेलमा काँग्रेसका प्रदेश नं ३ का सभासद दिपेन्द्र श्रेष्ठ अर्का सभासद राजेन्द्र गुरुङ जो कि·कम स्पोर्टस् क्लबका निवर्तमान अध्यक्ष पनि हुन्, प्रदेश नं ३ कै अर्का नेकपाका सभासद गणेश दुलालका साथै वडा नं ३१ का वडा सदस्य सरोज ढकालका साथ अरु कयौं बरिष्ठ व्यक्तित्वहरु अतिथिको रुपमा उपस्थित भएका थिए ।
आज भएको उक्त किंगकम स्पोर्टस क्लबद्वारा आयोजित तेश्रो किंगकम भेटेरान फुटबल प्रतियोगिताको फाईनल खेलमा आयोजक टिम किंगकम स्पोर्टस क्लब ए र फ्रिडम फाईटरस् क्लब बिच भएको थियो ।
उक्त खेलमा दुबै टिमले निक्कै राम्रो खेल प्रदर्शन गरेका थिए । सो खेलमा आयोजक टिमले ० का बिरुध्द १ गोल प्रहार गरी जीत हासिल गरे संगै तेश्रो किंगकम भेटारन कप २०७६ आफ्नो पक्षमा पार्न पनि सफल भएको छ ।
