काठमाडौँ । बर्दियाको बाँसगढी नगरपालिकाका प्रमुख प्रशासकीय अधिकृत कमलप्रसाद पौडेलले कर्मचारीबाटै घुस लिएको आरोप लागेको छ ।
सोमबार पत्रकार भनेर नगरपालिका प्रवेश गरेका क्रान्तिकारी कम्युनिस्ट पार्टी नेपालका कार्यकर्ताले अधिकृत पौडेलले कर्मचारीबाटै घुस लिएको विषय सार्वजनिक गरेपछि विवाद बाहिर आएको हो ।
करारका महिला कर्मचारीबाट १ लाख ३५ हजार घुस लिएको आरोप उनीहरूको आरोप छ ।
बासगढी नगरपालिकाका प्रमुख खड्गबहादुर खड्काले घुस प्रकरणको वास्तविकताका विषयमा छानबिन गरिने बताएका छन् । कार्यपालिकाको बैठक बसेर यस विषयमा छलफलपछि निर्णय गर्ने र दोषी ठहर भए कारबाही प्रक्रिया अघि बढ्ने प्रमुख खड्काले बताए ।
घुस प्रकरणमा मुछिएपछि पालिकाले उनीमाथि छानबिन गर्ने भएको हो।
यस विषयमा प्रशासनले बुझ्न खोज्दा अधिकृत पौडेलले मोबाइल अफ गरेका छन् ।
