काठमाडौं – गृहमन्त्री रमेश लेखकले देशभरका कारागारमा हाल २८ हजार ७१८ कैदीबन्दी रहेका जानकारी दिएका छन्। बुधबार संघीय संसदको कानून, न्याय तथा मानव अधिकार समितिमा प्रस्तुत रिपोर्ट अनुसार, देशका जेलहरूको क्षमता भन्दा सात गुणा बढी कैदीबन्दी रहेका छन्।
उनका अनुसार, ६५ वर्ष माथिका ६०१ र बालबालिका ६४ जना छन् भने विदेशी कैदीको संख्या १ हजार ४२७ रहेको छ। महिला कैदी १ हजार ५५० जना रहेका छन्, जबकि पुरुष कैदीको संख्या २७ हजार १६८ रहेको छ।
कानुन विपरीत हुने अपराधका आधारमा कैदीबन्दीको प्रतिशत यस प्रकार छ: बलात्कार २५.५४%, लागुऔषधसम्बन्धी मुद्दा २४.३७%, कर्तव्य ज्यान १६.१२%, सवारी साधन अंगभंग ४.१६%, र चोरी १३.८२%।
देशभर ७५ वटा कारागार रहेको जानकारी दिंदै गृहमन्त्री लेखकले भने कि कुल क्षमता केवल १८ हजार मात्र रहेको छ। उनले थपे, “प्रतिबन्दीलाई दैनिक सात सय ग्राम चामल र ८० रुपैयाँ खर्च दिइने गरिएको छ। वर्षमा दुई जोडी कपडा खरिद गर्न २५ सय, सिरक तथा डस्ना किन्न ३ हजार वितरण गरिन्छ। बिरामीलाई सरकारी अस्पतालमा निःशुल्क उपचार गरिँदै आएको छ।”
