वीरगंज, १६ चैत । प्रेस चौतारी नेपाल जिल्ला कार्य समिति पर्साले पत्रकार सुरेश रजकको हत्यारालाई कारबाईको माग गर्दै विरोध प्रर्दशन गरेको छ । राजावादीहरूको आन्दोलनका क्रममा पत्रकार सुरेश रजकको हत्या भएको विरोधमा शनिवार वीरगंजको घण्टाघरमा प्रेस चौतारी नेपाल जिल्ला कार्यसमिति पर्साले आयोजना गरेको विरोध कार्यक्रममा पत्रकार सुरक्षाको सुनिश्चितता र हत्यारालाई तत्काल कडा कारबाईको माग गरिएको छ । पत्रकारहरूको स्वतन्त्रता र अधिकार संरक्षणको माग गर्दै विरोध कार्यक्रममा सहभागीहरूले ‘पत्रकारको हत्या सह्य हुँदैन’, ‘पत्रकारको सुरक्षा सुनिश्चित गर’ लगायतका नारा लगाउँदै प्रदर्शन गरेका थिए । विरोध कार्यक्रममा प्रेस चौतारी नेपाल पर्साका अध्यक्ष निरन्जन मिश्रा, तुलसी (विजय) भण्डारी, नेपाल पत्रकार महासंघका पर्साका अध्यक्ष ओमप्रकाश खनाल, पूर्व अध्यक्ष अनुप तिवारी, मधेस प्रदेशका अध्यक्ष श्याम बन्जारालगायतको उपस्थिति थियो । विरोध सभालाई सम्बोधन गर्ने क्रममा अध्यक्ष मिश्रले पत्रकारहरूको सुरक्षामा सरकारले गम्भीर ध्यान दिनुपर्ने र हत्यामा संलग्नलाई तत्काल कानूनी दायरामा ल्याउनुपर्ने माग गरे। नेपाल पत्रकार महासंघ मधेस प्रदेशका अध्यक्ष श्याम बन्जाराले प्रेस स्वतन्त्रता र पत्रकारहरूको अधिकारलाई कुण्ठित गर्ने जुनसुकै प्रयासको कडा विरोध गर्ने चेतावनी दिए ।
मधेस साहित्य महोत्सव चैत २२ गतेदेखि हुने
वीरगंज, २० चैत/ वीरगंजमा ‘मधेस साहित्य महोत्सव’ चैत २२ र
