राजावादीहरुको प्रदर्शन, तीनकुने तनावग्रस्त

काठमाडौं, १५ चैत । राजसंस्था पक्षधरको आन्दोलनका कारण काठमाडौंको तीनकुने क्षेत्र शुक्रवार तनावग्रस्त भएको छ । प्रदर्शनकारीहरूले ढुंगा प्रहार गर्दै प्रहरीको घेरा तोडेर नयाँ बानेश्वरतर्पm अगाडि बढ्न खोज्दा अवस्था तनावग्रस्त बनेको हो । त्यसक्रममा प्रहरीले प्रदर्शनकारीहरूमाथि अश्रुग्याँस र पानीको फोहोरा हानेको थियो । राजावादीहरूको प्रदर्शनको क्रममा प्रहरीसँग झडप हुँदा पाँचजना घाइते भएका छन् । उनीहरूको तीनकुनेस्थित कान्तिपुर अस्पतालमा उपचार भइरहेको प्रहरीले जनाएको छ । राजावादीहरू प्रहरीको घेरा तोडेर निषेधित क्षेत्रतर्पm प्रवेश गर्न खोजेपछि झडप उत्पन्न भएको हो । त्यसक्रममा प्रहरीले शुरूमा लाठी प्रहार गरेको थियो भने राजावादीहरू नरोकिएपछि अश्रुग्याँस प्रहार गरेको थियो । राजावादीहरूले कार्यक्रम आयोजना गर्न बनाइएको मञ्च लक्षित गर्दै प्रहरीले अश्रुग्याँस प्रहार गरेपछि मञ्चमा रहेका नेताहरू तितरबितर भएका थिए ।