१० चैत, काठमाडौं । पोखराको पृथ्वीनारायण क्याम्पसको स्ववियु चुनावमा २ हजार ८९७ मत खसेको छ ।
क्याम्पस प्रमुख हरिप्रसाद पाठकका अनुसार ७ हजार ४ सय ४ जना मतदाता रहेकोमा २ हजार ८९७ मत खसेको हो ।
क्याम्पसमा ९ हजार २ सय ७० जना विद्यार्थी रहेकोमा कार्ड नलगेका कारण मतदताको संख्या कम भएको हो ।
‘विद्यार्थीलाई कार्ड लैजान भनेका थियौं । कार्ड नलगेका कारण मतदाता विद्यार्थीको संख्या कम भएको हो,’ उनले भने ।
विद्यार्थी प्रतिनिधिसँग बैठक बसेर गणना गरिने उनले बताए । गत ५ चैतमा रोकिएको मतदान आज भएको हो ।
