११ पुस, काठमाडौं । काठमाडौं महानगरपालिकाले चालु आर्थिक वर्षमा ८४ योजनाका लागि विस्तृत परियोजना प्रतिवेदन (डीपीआर) निर्माण गरेको छ ।
महानगरको सहरी योजना आयोगले चालु आर्थिक वर्षको मंसिर मसान्तसम्म ८४ वटा योजनाको डीपीआर बनाएको हो ।
महानगरका अनुसार बनाएको डीपीआर मध्ये सम्पदा क्षेत्रको योजनासँग सम्बन्धित ३७ वटा रहेका छन् । यस्तै, हरियाली तथा पार्क निर्माणसँग सम्बन्धित १३ वटा र पूर्वाधारसँग सम्बन्धित ३३ वटा योजनाको डीपीआर निर्माण भएको सहरी योजना आयोगले जनाएको छ ।
डीपीआर बनाएको योजनाको कुल लागत १ अर्ब ५ करोड ९१ लाख ३ हजार रुपैयाँ रहेको आयोगका सचिवालय प्रमुख धनबहादुर बस्नेतले जनाए ।
