Thursday, July 25, 2024
घरक्राइम चेकदक्षिण अफ्रिकाविरुद्ध विराट कोहलीको अर्धशतक पूरा

दक्षिण अफ्रिकाविरुद्ध विराट कोहलीको अर्धशतक पूरा

काठमाडौं /आईसीसी टि–२० विश्वकप २०२४ को उपाधिका लागि अहिले भारत र दक्षिण अफ्रिकाबीच प्रतिस्पर्धा भइरहेको छ ।

केन्सिङ्टन ओभल बार्बाडोस स्टेडियममा टस जितेर पहिले ब्याटिङ रोजेको भारतका लागि विराट कोहलीले अर्धशतक पुरा गरेका छन् । उनले १७ औं ओभरको पाँचौ बलमा अर्धशतक पुरा गरेका हुन् । ४८ बलको सामना गरेको कोहली ४ चौका सहित ५० रन बनाएर खेलिरहेका छन् । उनलाई शिवम दुवेले साथ दिइरहेका छन् ।

यसअघि भारतले विष्फोटक ब्याटिङ गरिरहेका अक्षर पटेललाई चौथो विकेटको रुपमा गुमाएको थियो । १४ आं ओभरको तेस्रो बलमा रन आउट भएका हुन् । ३१ बलको सामना गरेका उनले ४ छक्का र १ चौकासहित ४७ रन बनाएका थिए ।

भारतले खेलको दोस्रो ओभरमा नै दुई विकेट गुमाएको थियो । ओपनिङ गर्न आएका कप्तान रोहित शर्मा ५ बलमा दुई चौकासहित ९ रन बनाएर आउट भए । तेस्रो नम्बरमा ब्याटिङ गर्नका आएका ऋषभ भने दुई बलमा रनको खाता नै नखोली आउट भएका हुन् । दुवै जनाको विकेट दक्षिण अफ्रिकाका केशव महाराजले लिए ।

त्यस्तै पाँचौ ओभरको तेस्रो बलमा भारतले सुर्यकुमार यादवलाई गुमाएको छ । चार बलमा तीन रन बनाएर खेलिरहेका यादवलाई कागिसो रवडाले आउट गरेका हुन् ।

भारतले १० वर्षपछि टी–२० विश्वकपको फाइनल खेल्दैछ। यसअघि सन् २०१४ को विश्वकपको फाइनलमा भारत श्रीलंकासँग ६ विकेटले पराजित भएको थियो। पहिलो सिजनमा उपाधि उचालेको भारत त्यसपछि उपाधिबिहीन छ। दक्षिण अफ्रिका भने विश्वकपको फाइनलमा पहिलो पटक पुगेको हो।

अर्को के पढ्ने...
- Advertisment -spot_img
- Advertisment -