Tuesday, June 18, 2024
घरक्राइम चेकएसपीले चलाएकाे गाडीमा ठाेक्किएर एक युवककाे मृत्यु

एसपीले चलाएकाे गाडीमा ठाेक्किएर एक युवककाे मृत्यु

रासस/दमक/नेपाल प्रहरीका प्रहरी उपरीक्षक (एसपी)ले चलाएको स्कारपियोसँग मोटरसाइकल ठोक्किएर भएको दुर्घटनामा झापाको कमल गाउँपालिका वडा नं ६ का एक युवकको मृत्यु भएको छ।

कन्काई नगरपालिका- ८ बिरिङ पुलस्थित पूर्वपश्चिम राजमार्गमा स्कारपियोको ठक्करबाट मोटरसाइकलमा सवार कमल- ६ का १८ वर्षीय अनिल मर्डीको मृत्यु भएको हो।

शुक्रबार राति भएको दुर्घटनामा मोटरसाइकल चालक कमल–६ का १९ वर्षीय खगेन्द्र ताजपुरीया र सोही ठाउँका १८ वर्षीय पुजन राजवंशी घाइते भएका जिल्ला प्रहरी कार्यालय झापाका प्रवक्ता खगेन्द्रप्रसाद रिजालले जानकारी दिए।

पूर्वबाट पश्चिमतर्फ जाँदै गरेको मे १ च ७८३९ नम्बरको स्कारपियो र विपरीत दिशाबाट जाँदै गरेको मे १० प १६६९ नम्बरको मोटरसाइकल आपसमा ठोक्किएका थिए।

स्कारपियो र चालक नेपाल प्रदेश प्रहरी कार्यालय, धरानमा कार्यरत प्रहरी उपरीक्षक ५१ वर्षीय भीमबहादुर दाहाललाई नियन्त्रणमा लिइ घटनाबारे थप अनुसन्धान भइरहेको प्रवक्ता रिजालले जानकारी दिए।

अर्को के पढ्ने...
- Advertisment -spot_img
- Advertisment -