Sunday, April 21, 2024
घरपत्रपत्रिकाकाठमाडौं महानगरपालिकाको सञ्चार रजिष्ट्रारको जिम्मेवारी काफ्लेलाई

काठमाडौं महानगरपालिकाको सञ्चार रजिष्ट्रारको जिम्मेवारी काफ्लेलाई

काठमाडौं। काठमाडौं महानगरपालिकाको ‘सञ्चार रजिस्ट्रार’ मा महेश काफ्ले नियुक्त भएका छन्।

सञ्चार, सूचना तथा तथ्यांक व्यवस्थापनलाई व्यवस्थित गर्न बनेको ‘सञ्चार तथा सूचना ऐन २०८०’ को दफा १८ बमोजिम उनलाई सञ्चार रजिस्ट्रार पदमा नियुक्त गरिएको हो।

यस दफामा सूचना प्रविधि विभागका प्रमुख सञ्चार रजिस्ट्रार हुने व्यवस्था गरिएको छ। काफ्ले सूचना प्रविधि विभागको प्रमुखमा सरुवा भएर आएका हुन्।

विभागीय प्रमुखसँगै काफ्लेले रजिष्ट्रारको कार्य जिम्मेवारी सम्हाल्ने छन्। उनले बुधबार नै पदबहाली गरे। यस अघि उनी सार्वजनिक निजी साझेदारी एकाईमा थिए।

महानगरपालिकाको तथ्यांक र सूचना प्रविधि व्यवस्थापन, वेभ साइट, सामाजिक सञ्जाल, इमेल व्यवस्थापन, अनुगमन तथा नियमन गर्ने, महानगरपालिकाको सञ्चार प्रतिष्ठानको सदस्य सचिवका रुपमा काम गर्ने, सञ्चार रजिस्ट्रारको जिम्मेवारीमा तोकिएका जिम्मेवारी पूरा गर्ने गराउने रजिस्ट्रारका मुख्य काम हुन्।

नेपालको संविधानको धारा २२६ (१) को व्यवस्थाबमोजिम अनुसूची ८ र ९ मा रहेको अधिकार बाँडफाँडको सूचीमा उल्लेख भएको सञ्चार सम्बन्धी अधिकारको प्रयोग गर्न महानगरपालिकाको २०८० असारमा सम्पन्न नगर सभाको १३ औं अधिवेशनबाट ऐन जारी भएको हो।

पत्रकारिता, प्रकाशन, प्रसारण, पत्रपत्रिका, सूचना, तथ्यांक, अभिलेख व्यवस्थापन र नियमन गर्न स्पष्ट कानुनी व्यवस्थाका लागि ऐन जारी गरिएको हो।

अर्को के पढ्ने...

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

- Advertisment -