वीरगंज/ सशस्त्र प्रहरी बल नेपाल नं. १३ गण, हेक्वा पर्साका प्रमुख प्रहरी उपरीक्षक सुमन थपलियाको निधन भएको छ ।
एसपी थपलियाको आज शनिवार दिउँसो १ बजेको करिबमा हृदयाघात (हार्ट अट्याक) बाट निधन भएको हो ।
बीरगंज स्थित नेपाल मेडीसिटी वयोधा अस्पतालमा नुवाकोट घर भएका ४४ वर्षीय थपलियाको दिउँसो उपचारका क्रममा मृत्यु भएको पर्सा प्रहरीका प्रमुख (एसपी) कोमल शाहले पुष्टि गरे ।
एसपी शाहका अनुसार शनिवार बिहान ११ बजेतिर गण परिसरमै रहेको आवासमा रहेका बेला थपलिया अचानक अचेत भएर लडेका थिए । लगत्तै उनलाई उपचारका लागि मेडीसिटी वयोधा अस्पतालमा लगिएको थियो ।