वीरगंज, १४ साउन । वीरगंजको राधेमाईमा निःशुल्क आँखा एवं दन्त परीक्षण शिविरको आयोजना गरिएको छ।
सामुदायिक प्रहरी साझेदारी कार्यक्रम अन्तर्गत सामुदायिक प्रहरी सेवा केन्द्र श्रीपुर मुर्लीको आयोजनामा सम्पन्न सो शिविरमा १९० जना भन्दा बढ़ीले स्वास्थ्य परीक्षण गराएका थिए।
वीरगंज सामुदायिक आँखा अस्पतालका मेडिकल संयोजक महेश सिंह धामी लगायतको टोलीले आँखा तथा दाँत परीक्षण गरेको थियो ।
शिविरमा ग्लोबल ईमरजिङ्ग लिडरका अध्यक्ष राहुल पटेल, वडा प्रहरी कार्यालय श्रीपुरका प्रमुख प्रहरी निरीक्षक डिल्लीराज सापकोटा, श्याम शर्मा, पंडित पुरुषोत्तम दुवे, मनिष सिँह राजपुत लगायत सामुदायिक सेवा केन्द्र श्रीपुरका पदाधिकारीहरुको उपस्थिति रहेको
थियो।
