Tuesday, May 21, 2024
घरक्राइम चेकनेपाली युवा हतियार सहित भारतमा पक्राउ

नेपाली युवा हतियार सहित भारतमा पक्राउ

चन्द्रसूर्य समाचारदाता/
वीरगंज, २१ फाल्गुण/
एक जना नेपाली युवालाई हतियार सहित भारतीय प्रहरी एसएसबीले पक्राउ गरेको छ ।

वीरगंज-१ छपकैया भकुवा, पर्सा घर भएका भिखारी साह कलवारका २१ वर्षीय छोरा सुनिल कुमारलाई विशेष सूचनाको आधारमा ४७ नं. वाहिनी एसएसबी ‘सी’ समवाय विमानस्थल का जवानहरूले भारत विहार रक्सौल स्थित प्रेम नगर टोलमा करीब १० बजे भारतीय समयमा सीमा स्तम्भ संख्या ३९०/२७ देखि लगभग २५ मिटर भारतीय क्षेत्रबाट लोकल हतियार र त्यसमा प्रयोग हुने एक राउण्ड गोली सहित पक्राउ गरिएको एसएसबीले जनाएको छ ।

एसएसबीका प्रहरी उपनिरीक्षक शुभम कुमारको नेतृत्वमा खटेको एसएसबी प्रहरी टोलीद्वारा  हतियारसहित पक्राउ परेका सुनिल कुमारले सोधपुछको क्रममा रक्सौलमा डेलिभरी गर्नको लागि सो हतियार लिएर आएको एसएसबी समक्ष बयान दिएको एसएसबीले जनाएको छ ।

पक्राउ परेका सुनीललाई आवश्यक कार्यवाहीलागि हतियारसहित रक्सौल थानामा पठाइएको एसएसबीले जनाएको छ ।

अर्को के पढ्ने...
- Advertisment -spot_img
- Advertisment -