नायिका एलिना परदेशीसँग काठमाण्डौबाट बिहार भाग्ने तयारीमा

0
784
क्राइम चेक प्रतिनिधि
वीरगंज, १३ असोज।
नेपाली चलचित्र क्षेत्रकी उदयीमान नायिका एलिना बाँसकोटा काठमाण्डौबाट बिहार भाग्ने तयारीमा रहेको रहस्य खुलेको छ ।
पर्खिनुस्, तपाईंले गलत सोंच्दै हुनुहुन्छ, नायिका एलिना बाँसकोटा विहेवारी गर्न वा देश नै छोडेर बिहारी भाग्न लागेकी होईनन्, उनी आशुतोष फिल्म प्रोडक्सन प्रा. लि र नमस्ते नेपाल इन्टरटेन्मेट प्रा.लिको ब्यानरमा बन्न लागेको “बिहार से काठमाडौं” नामक भोजपुरी कथानक चलचित्रमा काठमाण्डौबाट बिहार जान लागेकी हुन् ।
बिहीबारदेखि वीरगंजमा सो चलचित्रको हुन लागेको छायाकंनबारे जानकारी गराउन आयोजित पत्रकार भेटघाट कार्यक्रम मार्फ़त नायिका बाँसकोटा बिहार भाग्न लागेको जानकारी गराइएको छ ।
गोपाल पौडेल र किरण सरकारको निर्माणमा नेपालकै कान्छो निर्देशक नारायण दत्त उपाध्यायको निर्देशनमा बन्न लागेको सो चलचित्रको मुख्य भूमिकामा नायक परदेशी साह र नायिका एलिना बाँसकोटाले अभिनय गर्नु हुनेछ ।
८० लाख देखि एक करोड़को बजेटमा निर्माण हुन लागेको सो फ़िल्मको छायांकन २८-३० दिन भित्रै सम्पन्न गरिने योजना रहेको निर्माण कम्पनीले जनाएको छ ।
फ़िल्मले नेपाल-भारत दुई देश बीचको सांस्कृतिक र मैत्री सम्बन्ध, भाषा, रितिथिति परम्परा, काठमाण्डौ जस्तो शहर की छोरी बिहार जस्तो अलग परिवेशका केटासँग जाँदा सामना गर्नु पर्ने अनेक पक्षको चित्रण इत्यादिलाई मनोरंजक एवं पारिवारिक हिसाबले हेर्न मिल्ने गरि निर्माण गर्न लागिएको बताइन्छ ।
नेपाल पत्रकार महासंघ, पर्साको सभाकक्षमा आयोजित पत्रकार सम्मेलनमा नेशनल एवं नेपाल मेडिकल कलेजका प्रबन्ध निर्देशक बसरूद्दीन अंसारी, फिल्मका निर्देशक नारायण दत्त पौडेल, निर्माताको तर्फबाट नवीन अग्रवाल, किरण सरकार, नेपाल पत्रकार महासंघ पर्साका अध्यक्ष अनुप तिवारी, नायक परदेशी साह, नायिका एलिना बाँसकोटालगायतको सहभागिता रहेको थियो ।
नायिका एलिनाले आईएम क्रेजी, अहिंसा, जननी, फेरिफेरी, अदालत, अंजली, तलासलगायतका नेपाली फ़िल्महरूमा अभिनय गरिसक्नु भएको छ । साथै उनले साउथ इंडियन फ़िल्म चेन्नई-३मा डागा-डागा भन्ने आइटम गीतमा समेत अभिनय गरिसक्नु भएको छ । “बिहार से काठमाण्डौ” नायिका एलिनाको पहिलो भोजपुरी फ़िल्म हो भनें नायक परदेशीले यसअघि एसपी खरेल, जब प्यार किया तो डरना क्या, दीवाना-२, जय मधेश, देश प्रेमीलगायत झन्डै एक दर्जन भोजपुरी फ़िल्ममा नायकको भूमिकामा अभिनय गरिसकेका छन् भनें चार वटा नेपाली चलचित्रमा समेत अभिनय गर्नु भएको छ ।
२०७८ असोज १४ गते विहीबार क्राइमचेक साप्ताहिकमा प्रकाशित

Share and Enjoy !

0Shares
0 0 0

LEAVE A REPLY

Please enter your comment!
Please enter your name here