बारा/ सड़क दुर्घटनामा परि शनिवार साँझ बारामा एकजनाको ज्यान गएको छ।
प्राप्त खबर अनुसार शनिवार साँझ अं. ६:३० बजेको समयमा जिल्ला बारा महागढिमाई न.पा.०८ थलही पुल स्थित कलैया लङ्गडाचौक सडक खण्डमा कलैयाबाट लङ्गडाचौक तर्फ जाँदै गरेको ना. ३७ प ४१४८ न.को मो.सा.लाई बिपरित दिशाबाट आउदै गरेको नम्बर नखुलेको ४ चक्का गाडिले मो.सा.लाई ठक्कर दिदा मो.सा. चालक जिल्ला बारा आदर्शकोतवाल गा.पा.०१ जमुनिया बस्ने लालबाबु साहको छोरा अं.बर्ष २२ को बिकास कुमार साह गंभीर घाईते भई उपचारको लागि वीरगंज तर्फ पठाईएको थियो।
प्रहरी चौकी बरियारपुर बाराबाट घटनास्थल करीब ४ किलोमिटर टाढा रहेको सो चौकीका प्र.ना.नि.को कमाण्डमा खटी गएको टोलीले घटनास्थलबाट दुर्घटनाग्रस्त मोटरसाइकल नियंत्रणमा लिएको छ भने फरार रहेको चार चक्का गाडीको खोजतलाश भैरहेको जिल्ला प्रहरी कार्यालय बाराले जनाएको छ।
दुर्घटनामा गंभीर घाईते मोटरसाईकल चालक विकाश कुमार साहलाई उपचारको लागि वीरगंज तर्फ लगिएकोमा राती ७:५० बजेको समयमा गण्डक अस्पताल वीरगंज पर्सामा उपचारकै क्रममा मृत्यु भएको भन्ने सोही अस्पतालबाट जानकारी प्राप्त भएको जिल्ला प्रहारी कार्यालय बाराले जनाएको छ।
