धनुषा । जनकपुर उपमहानगरपालिका-१० स्थितबाट एक थान पेस्तोल र म्याग्जिनसहित २ जनालाई शनिबार प्रहरीले पक्राउ गरेको छ ।
पक्राउ पर्नेहरूमा सोही उपमहानगरपालिका-४ बस्ने ३० वर्षीय इन्द्रेश कुमार सिंह र सोही उपमहानगरपालिका-८ बस्ने १९ वर्षीय अर्जुन कुमार सिंह रहेका छन् ।
विशेष सूचनाको आधारमा जिल्ला प्रहरी कार्यालय धनुषाबाट खटिएको प्रहरीले उनीहरूलाई उक्त हतियार सहित फेला पारी पक्राउ गरेको हो । साथै उनीहरूको साथबाट ज. ७ प ७९३२ नम्बरको मोटरसाइकल समेत प्रहरीले बरामद गरेको जनाएको छ ।
