चन्द्रसूर्य समाचारदाता/
बारा । तस्करीको माध्यमबाट वीरगंज भित्र्याईएको २५ लाख मूल्य बराबरको सामान सशस्त्र प्रहरीले बाराको जीतपुर सिमरा उपमहानगरपालिका-९ वीरगंज-पथलैया सडकखण्डबाट बरामद गरेको छ ।
सशस्त्र प्रहरी बल नेपालबाट प्राप्त खबर अनुसार वीरगंजबाट पोखरातर्फ जाँदै गरेको ना ६ ख ८५९७ नम्बरको कन्टेनरमा जाँच गर्दा बिल बिजक भन्दा फरक उल्लेखित मुल्य बराबरको हार्डवयरका सामान तथा मोटर पार्ट्ससहित उक्त कन्टेनरको चालक तथा सहचालकसहित कन्टेनरलाई समेत सशस्त्र प्रहरी बल नेपाल सुरक्षा वेश जीतपुरबाट खटिएको सशस्त्र प्रहरीले नियन्त्रणमा लिएको हो ।
पक्राउ परेका दुवै जनालाई बरामद सामान तथा कन्टेनरसहित आवश्यक कारवाहीको लागि राजस्व अनुसन्धान कार्यालय पथलैयामा बुझाईएको छ । बरामद कन्टेनरको मुल्य २५ लाख रुपैयाँ रहेको छ ।
