वीरगंज, २१ माघ ।
आफ्नै छोरीलाई रकणी गरेको आरोपमा ४० वर्षीय पुरुष पक्राउ परेका छन् ।
१६ वर्षीया किशोरीलाई आफ्नै छोरीलाई करणी गरेको आरोपमा पर्सा प्रहरीले उनका बुबालाई पक्राउ गरेको हो ।
गत शुक्रबारदेखि आफ्नै घरमा बन्धक बनाएर छोरीलाई पटक पटक करणी गरेको आरोपमा ४० वर्षीय पुरुषलाई नियन्त्रणमा लिइएको इलाका प्रहरी कार्यालय पोखरीयाले जनाएको छ ।
पीडित भनिएकी किशोरीले आफुलाई गत शुक्रबारदेखि घरभित्र बन्धक बनाएर आफ्ना बुबाले पटक-पटक करणी गरेको आरोप लगाएको प्रहरीले जानकारी दिए।
मंगलबार बिहान इलाका प्रहरी कार्यालय पोखरीयामा एक्लै आइपुगेकी किशोरीले आफुसँग आफ्नै बुबाले दुष्कर्म गरेको बताएपछि कार्यालयबाट खटिएको प्रहरीको टोलीले मङगलबार ९ बजे किशोरीका बुबालाई नियन्त्रणमा लिएको हो ।
आफूलाई बुवाले घरमा बन्धक बनाएर करणी गर्दै आएको किशोरीको आरोपको आधारमा अनुसन्धान गर्न आरोपित बुवालाई पक्राउ गरिएको प्रहरीले बताए।
मङगलबार बिहान गाँउमा कालगतिले एक जनाको मृत्यु भएपछि बुवा मलामी गएको र त्यही मौका छोपेर आफू घरबाट निस्किएर प्रहरी कार्यालयमा आउन सकेको बयान किशोरीले दिएको प्रहरीले जानकारी दिए।
पक्राउ परेका आरोपितलाई आवश्यक अनुसन्धानका लागि जिल्ला प्रहरी कार्यालय पर्सामा पठाइएको छ । बयानका लागि पीडित भनिएकी किशोरी र उनकी आमालाई पनि जिल्ला प्रहरी कार्यालयमा पठाइएको बताइएको छ ।
जिल्ला प्रहरी कार्यालय पर्साका प्रहरी नायव उपरीक्षक गौतम मिश्रले भने आरोपित र आरोपी दुवैलाई प्रहरी कार्यालयको महिला तथा बालबालिका सेलमा राखेर सोधपुछ भइरहेको जानकारी दिए ।
‘आफ्नै बुबाले बलात्कार गरेको आरोप किशोरीको छ’, उनले भने,‘कसैको लहलहैमा लागेर पनि आरोप लगाएको हुन सक्छ, त्यसैले छोरी, बुबा र उनकी आमालाई महिला सेलमा राखेर प्रहरीले सोधपुछ गरिरहेको छ ।’
करणीको आरोप लगाउने पीडित किशोरी, आरोपितकी कान्छी श्रीमतीतपट्टीकी छोरी हुन् ।
