दिपेन्द्र गिरी /
वीरगंज १५ कात्तिक / वीरगंज महानगरपालिका वडा नं.– १७ अलौंमा बृक्षारोपण कार्यक्रम सम्पन्न भएको छ । बुढानिलकण्ड स्कूल काठमाडौं नेपालका छात्रा तरनुम बेगमको आयोजनामा शुक्रवार एक कार्यक्रमको आयोजना गरी अलौंमा बृक्षारोपण गरिएको छ । खानेपानी सरसफाई उपभोक्ता समिति वीरगंज १७ अलौंको सह आयोजनामा उपभोक्ता समितिको प्राङ्गणमा टिक, सपेता, बेल, अशोका, मंगोलियम सखुवा, लहरे पिपल लगायत विभिन्न प्रजातिका एक सय विरुवाहरु रोपिएको छ ।
बृक्षारोपण कार्यक्रममा खानेपानी सरसफाई उपभोक्ता समितिका अध्यक्ष ओमकृष्ण लामिछानेको सभापतित्वमा भएको सो कार्यक्रमका प्रमुख अतिथि खानेपानी डिभिजन कार्यालय बारा, पर्साका प्रमुख जक्की अहमद, नेपाल कम्युनिष्ट पार्टी (नेकपा) का गंगाधर महतो, राप्रपा पर्साका जिल्ला अध्यक्ष सुमेश्वरनाथ उपाध्याय, नेपाली काँग्रेसका गाउँ कमिटि उपाध्यक्ष गन्नी मंसुरी, श्रीद्धारदेवी मावि अलौंका प्रअ राजु माली, स्थानिय किष्णदेव यादव, बुढानिलकण्ठ स्कूल काठमाडौं कक्षा ९ मा अध्ययनरत्त छात्रा तरनुम बेगम लगायत स्थानियबासीहरुले बृक्षारोपण गरेका थिए ।
सहभागीहरुलाई अफजल हुसैन अंसारीले स्वागत गरेको कार्यक्रमको संचालन बेगमका बुवा बसिर अहमदले गरेका थिए । बुढानिलकण्ठ स्कूल काठमाडौं कक्षा ९ मा अध्ययनरत्त छात्रा तरनुम बेगमको प्रोजेक्ट वर्क अन्र्तगत आज सो बृक्षारोपण गरिएको कार्यक्रम संचालक अहमदले बताउनुभयो । ।
