वीरगन्ज, १६ असोज ।
हिन्दुहरुको महानपर्व बडादशै, दिपावली तथा छठ पर्वको अवसरमा शुभकामना आदान प्रदान कार्यक्रम आज सम्पन्न भएको छ । नेपाल फोटो पत्रकार महासंघ पर्साको आयोजनामा नेपाल पत्रकार महासंघ पर्साको सभाहलमा शुभकामना आदान प्रदान कार्यक्रम सम्पन्न भएको हो ।
नेपाल फोटो पत्रकार महासंघ पर्साका अध्यक्ष बिजय चौहानको अध्यक्ष्तामा भएको कार्यक्रममा नेपाल पत्रकार महासंघ प्रदेश २ का अध्यक्ष दिपेन्द्र चौहान , नेपाल फोटो पत्रकार महासंघ २ का अध्यक्ष राम सरार्फ ,उपाध्यक्ष पंकज श्रेष्ठ , नेपाल पत्रकार महासंघ पर्साका अध्यक्ष श्याम बन्जारा लगायतकाले आ–आफ्नो मन्तव्य राखेका थिए ।
कार्यक्रममा नेपाल फोटो पत्रकार महासंघ पर्सामा आवद्ध भएका नयां सदस्यहरुलाई परिचय–पत्र र प्रेस ज्याकेट पनि वितरण भएको थियो । कार्यक्रमको संचालन नेपाल फोटो पत्रकार महासंघ पर्साका सचिव तिवारी यादवले गरेका थिए भने कार्यक्रमको समापन्न पर्साका अध्यक्ष बिजय चौहानले गरेका थिए ।
