राष्ट्रिय निकुञ्ज तथा वन्यजन्तु संरक्षण ऐन २०२९ अनुसार संरक्षित पंक्षी बाहेक अन्य वन क्षेत्रका पंक्षी मारेमा वा घाइते बनाएमा २० हजार देखि ५० हजार तथा ६ महिना देखि १ वर्षसम्म कैद सजाय दुवै व्यवस्था छ ।
….
बास्कोटा चढेको गाडीले बुद्धभूमी १ वसन्तपुर सामुदायिक वन क्षेत्रमा जंगली मयुर किचेको छ । शनिबार विहान १०ः३० बजे मन्त्री सवार गाडीले किच्दा मयुरको मृत्यु भएको हो । मन्त्री बास्कोटा अर्घाखाँचीको शितगंगा नगरपालिका उपप्रमुख चढ्ने लु १ झ ४७६ नम्बरको गाडीमा अर्घाखाँचीतर्फ जाँदै थिए ।
तिब्र गतिमा गुडिरहेको डबल क्याप स्कारपियो भित्र मन्त्री सवार रहेको स्थानीयबासीले बताएका छन् । वसन्तपुर सामुदायिक वन उपभोक्ता समूहका अध्यक्ष पंचम सिंह बोगटीले मयुर चरिरहेको देख्दा देख्दै तिब्र गतिमा आएको गाडीले किचेको बताए ।
‘वन क्षेत्रमा वन्यजन्तु आउने जाने मार्गहरुमा विस्तारै हाक्नुपर्छ । तर गाडीको गति निकै तिब्र थियो’ उनले भने । वन्यजन्तु मार्नेलाई वन ऐन अनुसार कारवाही गर्न स्थानीयले माग गरेका छन् ।
घटना लगत्तै इलाका वन कार्यालय गोरुसिंगेले मयुरको मुचुल्का गरेका छन् ।
