वीरगंज/ दुई दिन अघि पुनम देवीको हत्या गरेको आरोपमा पर्सा प्रहरीले एक जनालाई पक्राउ गरेको छ।

पक्राउ पर्नेमा वीरगंज-१ छपकैया निवासी रसुल मियाँको छोरा वर्ष २५ को ईमरान मियाँ रहेको प्रहरीले जनाएको छ।

जिल्ला प्रहरी कार्यालय पर्साको सुक्ष्म अनुसन्धानले घटनाभएको दुई दिन भित्र निलम देवी हत्याकाण्डका दोषीलाई पक्राउ गर्न सफल भएको हो।

पक्राउ परेका व्यक्तिलाई सार्वजनिक गर्न आइतवार जिल्ला प्रहरी कार्यालयले पत्रकार सम्मेलनको आयोजना गरि दिएको जानकारी अनुसार असोज १९ गते अ.०३:३० बजेको समयमा भारत विहार जिल्ला सितामढी नरहा ग्राम घर भई हाल जि. पर्सा वीरगंज म.न.पा.वडा नं. १ छप्कैया बस्ने गगनदेव प्रसादको श्रीमती अ. वर्ष ४० की पुनम देवी राती खाना खाई आफ्नै सुत्ने कोठाको ओछ्यानमा एक्लै सुतेको अवस्थामा निजको आफ्नै दिदी निलम देवी साहले जितीया पर्वको पुजाको लागि उठाउन जाँदा बोलाउदा नबोलेको, घरको ढोका बाहिरबाट लगाएको अवस्थामा ढोका खोली हेर्दा टाउकोमा गहिरो चोट लागि गम्भिर अवस्थामा देखि तत्काल आफन्त बोलाइ उपचारको लागि नारायणी अस्पताल हुँदै थप उपचारको लागि नेशनल मेडिकल शिक्षण अस्पताल वीरगञ्जमा लगेकोमा उपचारको क्रममा ०७:४५ बजेको समयमा मृत्यु भएको थियो।

घटना बारे सूचना प्राप्त हुनसाथ कार्यालयबाट पर्सा प्रहरी प्रमुख प्रहरी उपरीक्षक कोमल शाहको कमाण्डमा SOCO, तालिम प्राप्त कुकुर सहितको प्रहरी टोली घटनास्थलमा खटी गई घटनास्थल तथा लाशजाँच मुचुल्का लगायतका कार्य पुरा गरी मृतक लाश पोष्ट मार्टमको लागि नारायणी अस्पताल वीरगंजमा पठाइएको थियो। पोष्ट मार्टम पश्चात मृतक लास सदगतको लागि मृतकको श्रीमान गगनदेव प्रसादले जिम्मा दिएसँगै पर्सा प्रहरीले थालेको अनुसन्धानको क्रममा शनिवार वीरगंज-१बाट मियाँलाई नियंत्रणमा लिई अनुसन्धान गर्दै जाँदा निज मियाँले नै हत्या गरेको पुष्टि भएको जिल्ला प्रहरी कार्यालय पर्साका प्रहरी नायब उरीक्षक कुमार बिक्रम थापाले बताउनु भयो।

पक्राउ परेका मियाँ लागू औषधको दुर्व्यसनी रहेको अनुसन्धानबाट खुलेको प्रहरीले जनाएको छ। अभियुक्त मियाँ घरमा बिबाद भए पश्चात राती ०१:५३ बजे आफ्नो घर नजिकै रहेको बिरगंज महानगरपालिका, वडा नं १ को कार्यालयमा सुत्छु भनी गेट चढेर भित्र प्रवेश गरेकोमा भित्रको मूल ढोकाबन्द रहेको कारण बाहिर निस्की नजिकै रहेको मृतक पुनम देवीको घरतर्फ गएको प्रहरी अनुसन्धानबाट खुलेको छ ।

अभियुक्त ईमरान मियाँ लागू औषध प्रयोग गर्नको लागि चोरी गर्ने उद्देश्यले मृतकको घरको झ्यालको मदतले घरको छतमा चढी छतमा रहेको अं. १ फिट लामो फलामको छड़ उठाइ घरभित्र प्रवेश गरेको थिए, घर भित्र प्रवेश गर्दा निज मृतक जितिया पर्वको लागि।

तयारी गर्न उठिसकेको अवस्थामा जम्काभेट हुँदा महिला डराएर चिच्याउँदा अभियुक्तले हाँतमा रहेको फलामको छडले मृतकको टाउकोमा प्रहार गरेको र मृतक वेहोस भई ढलेको कारण नजिकको कोठाको ओछ्यानमा लगी राखेको थिए।

त्यसपछि अभियुक्तले कोठाको बत्ती बालेर हेर्दा महिलाको आँखा खुलेको देखि पुनः सोही फलामको छडले पटक पटक टाउकोमा प्रहार गरी घरको मूल ढोका खोलेर बाहिरबाट चुकुल लगाइ पूर्वतर्फ भागेको प्रहरीलाई अभियुक्तले बताएका छन् ।

वारदातको समयमा लगाएका कपडाहरु नजिक रहेको नासिर खोलामा फालेकोका थिए भने फलामको छड (घटनास्थलबाट पूर्व तर्फ रहेको धान खेतमा फालेको अवस्थामा बरामद ) गरिएको प्रहरीले जनाएको छ।