श्रावण/ ‘आरोहण’ले ‘निरन्तर बृक्षरोपण’ कार्यक्रम अन्तर्गत पशुपति मृगस्थलीमा योगी नरहरिनाथ समाधिस्थल र विश्वरुप परिसर आसपास बृक्षरोपण कार्यक्रम आयोजना गर्यो ।
आरोहण युवाहरूको सामाजिक संगठन हो । दलगत राजनीतिमा नलागेका, नेपाली मौलिकता, धर्म-संस्कृतिमाथि भैरहेको हस्तक्षेपबाट चिन्तित र नेपाललाई समृद्ध बनाउनुपर्छ भनेर आरोहणको नामले धेरै युवाहरू बिगत छ महिनादेखि संगठित भएकाछन् ।
उच्छ शिक्षा हासिल गरेपछि नेपालमै केही गर्नुपर्छ भनि फर्किएर विभिन्न पेसा-ब्यबसाय गर्दै गरेका युवाहरू मिलेर नेपाली राष्ट्र, राष्ट्रियता, मौलिक संस्कृति र समृद्धीकालागि निस्वार्थ भावले कार्य गरिरहेको आरोहणका सदस्यहरूले बताएका छन् ।
बृक्षरोपणमा आरोहण, काठमाण्डौंका करिव तीस जना सदस्यको उपस्थिति रहेको थियो । सदस्यका अनुसार केही समय अघि नेपाल ल कलेजमा संविधानको अन्तर्य बिषयक विचारगोष्ठी आयोजना भएको थियो । अब द्रूत गतिमा आरोहणको कार्य अघि बढ्ने जानकारी उपस्थित सदस्यहरुले दिएका छन् ।
उक्त बृक्षरोपण कार्यक्रममा नेपाल सरकारका पूर्वसचिब मोहन बञ्जाडे, लेखक सौरभ, लगानीकोषका पूर्व अध्यक्ष प्रा.डा. चन्द्रमणि अधिकारी, डा. बासुदेवकृष्ण शास्त्री लगायत प्रतिष्ठित ब्याक्तित्वहरूको पनि उपस्थिति रहेको थियो ।
