दार्चुला । दार्चुलामा जीप दुर्घटना हुँदा एक जनाको मृत्यु भएको छ भने २ जना घाइते भएका छन् ।
जिल्लाको नौगाड गाउँपालिकाको दल्लेकबाट सदरमुकाम खलङ्गातर्फ आइरहेको सुपप्र–००१–ज–०००५ नम्बरको जीप आज बेलुकी महाकाली नगरपालिका–२ मैखोलीमा दुर्घटना भएको जिल्ला प्रहरी कार्यालय दार्चुलाले जनाएको छ ।
दुर्घटनामा परी महाकाली नगरपालिका वडा २ का चालक अन्दाजी ३२ वर्षीय महेश भुलको मृत्यु भएको र सोही स्थानका १५ वर्षीय सागर भुल र ३ वर्षीय धौले भुल घाइते भएको प्रहरी निरीक्षक छत्र रावतले जानकारी दिनुभयो ।
चालक महेश भुलको अवस्था गम्भीर रहेकोमा उपचारका क्रममा जिल्ला अस्पताल दार्चुलामा मृत्यु भएको तथा अन्य २ जनाको अवस्था सामान्य रहेको प्रहरीले जनाएको छ ।
जीप सडकबाट अन्दाजी ५० मिटर तल खसेको उहाँले जानकारी दिनुभयो ।
