Tuesday, May 28, 2024
घरसमाचारअत्यधिक गर्मीले खाेला नाला सुकेसँगै पानी खान नपाएर मर्न थाले छाडा चाैपाया,...

अत्यधिक गर्मीले खाेला नाला सुकेसँगै पानी खान नपाएर मर्न थाले छाडा चाैपाया, जंगली जनावर र चरा चुरुङ्गी

प्रेमचन्द्र झा

राैतहट । जिल्ला स्थित लाल बकैया नदि लगायत स-साना खाेला नाला सुक्न थालेपछि चाैपाया र चरा चुरुङ्गी मर्न थालेका छन् ।

करिब दुई महिना आगाडी देखि लाल बकैया नदि सुकेका छन् । पछिल्लो पटक २०७९ साल फाल्गुन महिनामा पानी परेको थियो । त्यसपछि लागातार तापक्रममा दैनिक बढोत्तरी हुँदै आएको छ । आज ( मंगलबार ) राैतहटको अधिकतम तापक्रम ४४ डिग्री सेल्सिएस रेकर्ड गरिएको हो । तापक्रम बढेसँगै पश्चिमी वायुको तेज गतिले जनजीवन लगायत सबै सजिव प्राणी- वोट विरवाको साथै वाली नालीमा समेत असर परेको छ ।

यसैबीच पानी खान नपाएर जिल्लाका देवाही गाेनाही नगरपालिका वडा नम्बर २ स्थित एउटा जंगली चाैपाया घाेड गदहा मृत अवस्था फेला परेकाे पत्रकार कमल यादवले वताए । प्राकृतिक खाेला नदि सुकिसकेका कारण जंगली जनावर छाडा पशुपंछी पानी खान नपाएर मर्न थालेको पत्रकार यादवले बताए । सम्बन्धित निकायलाई कृत्रिम पोखरी स्थापना गरी पशुपंक्षीलाई पानी खाने व्यवस्था मिलाउन पत्रकार यादवले मध्यान्ह दैनिक मार्फत सम्बन्धित निकायको ध्यानाकर्षण गराएका छन् । लाल बकैया नदिको दायाँ बायाँ करिब ५ /५ किलो मिटर दुबै तर्फ दूरीमा निजी तथा सार्बजनिक पोखरी नरहेका कारण जंगली तथा छाडा चाैपायालाई पानी खान समस्या भएको देवाही गाेनाही नगरपालिकाका नगर प्रमुख प्रेमलाल साहले बताए ।

पानीको समस्या मधेशमै बढदै गएको बताउँदै नगरप्रमुख साहले यस्तै गर्मी रहे प्राय:जसाे चापाकल सुक्ने र मानिसलाई पानी खान समेत समस्या हुने बताए । चाैपाया तथा जंगली जनाबर चराचुरुङ्गीलाई आफूले स्थानीय स्तरबाट जन श्रमदान गरि सुकिसकेको लाल वकैया नदिमा पाेखरी खनेर पानी खानका लागि व्यवस्था मिलाउने प्रयास गर्ने पूर्व नगर प्रमुख धर्मेन्द्र पटेलले बताए ।

अर्को के पढ्ने...
- Advertisment -spot_img
- Advertisment -