Sunday, April 21, 2024
घरपत्रपत्रिकानक्कली छोरी प्रकरण: कारवाही नगरेको विरोधमा सिटी जुलुस

नक्कली छोरी प्रकरण: कारवाही नगरेको विरोधमा सिटी जुलुस

राजन रौनियार/

वीरगंज/नक्कली छाेरी प्रकरणले नयाँ माेड लिएकाे छ । प्रहरी प्रशासनले छानबिन प्रकृयामा ढिलासुस्ती गरेकाे भन्दै आज वीरगंजमा विराेध प्रदर्शन स्वरुप सिटि जुलुस निकालिएकाे छ ।

गत पुसमा नै वीरगंजका मेयर राजेशमान सिंहले आफू नक्कली बुवा बनि नागरिकता बनाएको भन्दै प्रहरीमा जाहेरी परेको थियाे l

मेयर राजेशमान सिंहले झुठो विवरण पेश गरी करिब ९ वर्ष पहिला काठमाडौँमा जन्मेकी एकजना भट्टराई थर भएको दम्पतिकी छोरीलाई आफ्नो छोरी बनाई निजको नाम रूबिना श्रेष्ठ राखि झुटो प्रमाण बनाई वीरगंज महानगर पालिका वडा नं. ३ बाट नागरिकता सम्बन्धी अन्य कागजात बनाई झुटो विवरण पेश गरी नागरिकता बनाएको भन्दै आवश्यक छानबिन र कारबाहीको प्रक्रिया अगाडि बढाउनलाई १ दर्जन भन्दा बढि समाजिक तथा राजनितक व्यक्तिहरुले राज्यकाे सम्बन्धित सम्पुर्ण निकायहरुमा उजुरी दिएका छन् ।

स्थानीय प्रशासनले छानबिन समिति बनाएता पनि छानबिन प्रकृया अहिले सम्म कुनै निष्कर्षमा नपुगेकाे भन्दै स्थानियहरुले आशंका जताउन थालेका छन् ।

यता अर्को समुहका युवाहरुले जुलुसकाे विराेध गर्दै वीरगंजकाे माईस्थान र पानगल्ली राेड अगाडी टायर बालेर विराेध जनाएका छन् ।

वडा प्रहरी कार्यालयका प्रहरी निरीक्षककाे कमाण्डमा रहेकाे बाक्लाे प्रहरी उपस्थितिकाे कारण अप्रिय घटना हुनबाट वीरगंज जाेगिएकाे छ । मुद्दा किनारा नलगाए सम्म वीरगंजमा विराेध प्रदर्शन झन सशक्त बनाउने उजुरी कर्ताहरुकाे भनाई रहेकाे छ । प्रहरी प्रशासनकाे सक्षम्ता माथि नै प्रशन चिन्ह खडा भएकाे हुँदा वीरगंजवासी छानविनकाे अन्तिम निर्णयकाे पर्खाईमा रहेका छन् ।

अर्को के पढ्ने...

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

- Advertisment -