Friday, April 12, 2024
घरक्राइम चेकहतियार प्रहारगरी महिलाको हत्या

हतियार प्रहारगरी महिलाको हत्या

वीरगंज/वीरगंजमा आफ्नै घरमा एक ४० वर्षीय महिलाको हत्या भएको छ। वीरगंज महानगरपालिका-१ बजार छपकैयामा गगनदेव साहकी पत्नी ४० वर्षीय पुनमदेवी साहको हत्या भएको हो।

प्रहरीका अनुसार, शुक्रबार बिहान टाउकोमा घरेलु हतियारले हानेर गम्भीर घाइते अवस्थामा भेटिएकी पुनमदेवीलाई उपचारका लागि सुरुमा नारायणी अस्पतालमा लगिएको थियो। त्यहाँ उपचार हुन नसकेपछि उनलाई नेशनल मेडिकल कलेजमा लगिएको र त्यहाँ चिकित्सकले मृत घोषणा गरेको प्रहरीले जनाएको छ।

शव पोष्टमार्टमका लागि नारायणी अस्पतालमा पठाइएको र पोष्टमार्टम रिपोर्ट आएपछि मात्रै हत्याको यकिन कारण खुल्ने एक प्रहरीले अधिकृतले बताए।

प्रहरीका अनुसार पुनमदेवीको हत्या कसले र किन गरेको भन्ने खुल्न सकेको छैन।

मृतक पुनमदेवी घरमा ऐक्लै बस्दै आएकी थिइन्। पति गगनदेव कामको शिलशिलामा भारतमा र छोरा पनि अध्ययनको लागि भारतकै दिल्लीमा रहेका छन्।

उक्त घटनाका बारेमा अनुसन्धान भइरहेको पर्साका प्रहरी नायब उपरीक्षक कुमार विक्रम थापाले जानकारी दिए। हत्याको तहसम्म पुग्न र संलग्न अपराधीसम्म तालिम प्राप्त कुकुर लगाएर समेत अनुसन्धान थालिएको प्रनाउ थापाले बताए।

RELATED ARTICLES

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

- Advertisment -

News & Updates

Recent Comments