वीरगंज/वीरगंजस्थित बाल सुधार गृहबाट फरार भएका दुई जना बाल कैदीलाई पर्सा प्रहरीले पक्राउ गर्न सफल भएको छ।
वीरगंज महानगरपालिका-४ विर्तामा रहेको सुधार गृहमा रहेका कर्तव्य ज्यान मुद्दाका अभियुक्त सर्लाहीका अमरकान्त ठाकुर र जबरजस्ती करणी मुद्दाका सप्तरी घर भएका पाण्डव यादव शुक्रबार बिहान काँडेतारको घेरा तोडेर फरार भएपछि जिल्ला प्रहरी कार्यालय पर्साबाट प्रहरी निरीक्षक दावा शेर्पा र प्रहरी नायब निरीक्षक विनाेद काफ्लेकाे नेतृत्वमा छुट्टाछुट्टै खटिएको प्रहरी टाेलीले उनीहरुलाई पक्राउ गरेकाे प्रहरी उपरीक्षक कोमल शाहले बताउनु भयो ।
वीरगंजको बाल सुधार गृहमा केही दिन पहिले कैदीबीच झडप समेत भएको थियोे। सोक्रममा बाल कैदी र प्रहरीहरु घाइते भएका थिए। झन्डै दुई दिन सम्म बालकैदीहरुको झडप र बिरोध प्रदर्शनका कारण सुधार गृहमा तनाव भएको थियो।
