सत्ता गठबंधनको बैठक जारी, नागरिकता विधेयकसम्बन्धमा पनि छलफल हुँदै

0
24
फाइल तस्वीर

काठमाडाैँ – सत्ता गठबन्धनको बैठक बुधबार प्रधानमन्त्री निवास बालुवाटारमा बस्दैछ ।

आगामी मंसिर ४ मा हुने प्रतिनिधिसभा निर्वाचनका लागि सिट बाँडफाँटकाे टुङ्गाे लगाउन कांग्रेसका सभापतिसमेत रहेका प्रधानमन्त्री शेरबहादुर देउवाकाे निवास बालुवाटारमा केहीबेरमा बैठक बस्न लागेकाे हाे ।

पार्टी निकट स्राेतका अनुसार आजकाे बैठकमा सिट बाँडफाँटका साथै नागरिकता विधेयक प्रमाणीकरण नगर्ने राष्ट्रपतिको कदमबारे छलफल हुनेछ ।

सङ्घीय संसद्का दुवै सदन (प्रतिनिधिसभा र राष्ट्रियसभा) ले दुई पटक पारित गरेको नेपाल नागरिकता ऐन, २०६३ लाई संशोधन गर्न बनेको विधेयक राष्ट्रपति विद्यादेवी भण्डारीले निर्धारित समयमा प्रमाणिकरण गरिनन् ।

संविधानको धारा ११३ को उपधारा (४) मा राष्ट्रपतिले कुनै विधेयक सन्देशसहित फिर्ता गरेमा त्यस्तो विधेयकमाथि दुवै सदनले पुनःविचार गरी त्यस्तो विधेयक प्रस्तुतरूपमा वा संशोधनसहित पारित गरी पुनः पेश गरेमा त्यसरी पेश भएको १५ दिनभित्र राष्ट्रपतिले प्रमाणीकरण गर्नुपर्ने व्यवस्था छ ।

यसरी संविधानअनुसार विधेयक दोस्रो पटक पनि प्रमाणिकरण हुन सकेन भने अर्कातर्फ प्रतिनिधिसभाको चालु अधिवेशन पनि समाप्त भइसकेकाले अब सो विधेयक के हुन्छ भन्ने विषयमा आम नागरिकको चासो बढेको छ ।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्