वीरगंज, १३ चैत्र । वीरगंजबाट जनकपुर जान हिंडेको बस सर्लाहीमा दुर्घटना हुँदा चार जनाको मृत्यु भएको छ ।
पूर्व पश्चिम राजमार्ग अन्तर्गत सर्लाहीको फुलजोरमा रहेको पुलबाट यात्रुबाहक बस खोलामा खसेर दुर्घटना हुँदा चार जनाको मृत्यु भएको हो । बसमा २५ यात्रु सवार रहेको प्रहरीको अनुमान छ ।
वीरगन्जबाट जनकपुरतर्फ जाँदै गरेको ना ४ ख ८५५५ नम्बरको यात्रुवाहक बस अनियन्त्रित भएपछि पुलको बारमा ठोक्किएको थियो । त्यसपछि बार भाँचिदा गाडी खोलामै खसेको थियो ।
मृत्यु भएका यात्रुको पहिचान हुन बाँकी रहेको प्रहरीले जनाएको छ । दुर्घटनामा घाईते भएका यात्रुहरुको लालवन्दीमा रहेको अस्पतालमा उपचार भईरहेको छ ।
