Tuesday, May 28, 2024
घरसमाचारव्यापारीहरूद्वारा कर नतिर्ने घोषणा

व्यापारीहरूद्वारा कर नतिर्ने घोषणा

राकेश चौरसिया/
वीरगंज, असार/
वीरगंजका स्थानीय साना तथा खुद्रा व्यापारीहरूले महानगर र राज्यलाई तिर्नुपर्ने कर नतिर्ने चेतावनी दिएका छन् ।

लगातार पाँच दिनसम्म परेको अविरल वर्षा र त्यसपश्चात आएको पानीले आदर्शनगर पूरै डुबानमा परेपछि आक्रोशित व्यापारी/व्यवसायीहरूले वीरगंज महानगरपालिका र वीरगंज उद्योग वाणिज्य संघको विरोध गरेका हुन् ।

सोमबार एक पत्रकार सम्मेलनको आयोजना गरी बाढी पीडित व्यवसायी एवं व्यापारीहरूको तर्फबाट बोल्नु हुँदै सचिन खेतानले वीरगंज महानगर क्षेत्रमा एशियाली विकास बैंकको लगानीमा महानगरले निर्माण गर्न लगाएको ढल निकास वैज्ञानिक र व्यवस्थति नधउका कारण आदर्शनगरसहित वीरगंज डुबानमा परेको आरोप लगाउनु भयो ।

दुई सय ५० भन्दा बढी खुद्रा व्यवसायीहरूको करोडौं मूल्य बराबरको सामान अव्यस्थित ढल र वर्षाको पानीका कारण नष्ट भई आफूहरुले करोडौंको क्षति व्योहोर्नु परेको व्यवसायीहरूले सो पत्रकार सम्मेलनमा बताए ।

अव्यवस्थित ढल, अविरल वर्षा र बाढीको पानीले व्यवसायीहरूले त्यत्रो क्षति व्योहोर्दा समेत व्यवसायी र व्यापारीहरूको हकहितकालागि स्थापित संगठन वीरगंज उद्योग वाणिज्य संघले अनुगमन समेत गरेको अरोप लगाए ।

पत्रकार सम्मेलनमा अर्का व्यपारी सुशिल खेतानले वीरगंज महानगरपालिका भित्र रहेको आर्दशनगरको ढल निकासाको समस्याको समाधान नगरे सम्म आफूहरुले वीरगंज महानगरपालिकालाई कर नबुझाउने र आफूहरुको करोडौको क्षतिपुर्ति महानगरपालिकाले बेहोर्नुपर्ने माग गरेका छन् ।

स्थानीय सरकारले सबै तह र तप्काका नागरिकहरूलाई सरकारको अनुभूति गराउनु पर्ने समयमा चौतर्फी प्राकृतिक र दैवी प्रकोपको शिकार भएका सर्वसाधारणहरूलाई निरास भएको व्यापारीहरूको गुनासो रहेको थियो ।

प्रकाशन मितिः २०७६ असार ३१ गते मंगलबार

अर्को के पढ्ने...
- Advertisment -spot_img
- Advertisment -