गर्भवती भएपछि खुल्यो १५ वर्षीया किशोरी बलात्कारको घटना

0
Photo Credit: Social site

इटहरी : एकजना १५ वर्षीया बालिका बलात्कारको आरोपमा तरहराबाट तीनजना पक्राउ परेका छन् । पक्राउ पर्नेमा प्रकाश खड्का, सुवास विक र भीमबहादुर परियार छन् ।

कक्षा ७ मा पढ्ने ती बालिकाको पेटमा गर्भ भएको थाहा भएपछि बलात्कारको घटना खुलेको हो । पक्राउ परेका तीनैजनाले फरक फरक समय र ठाउँ जिकिर गरेपछि तीनजनाले सामुहिक बलाकार गरेको भने नखुलेको इलाका प्रहरी कार्यालय इटहरीका इन्सपेक्टर बुद्धि चौलागाईँले बताए ।

‘कात्तिक अन्तिम हप्तादेखि मंसिर १५ गतेसम्म विभिन्न समय र स्थान बताएका छन्,’ यौनसम्बन्धको लागि बाँस झ्याङदेखि आफ्नै कोठालाई प्रयोग गरेको खुलेको बताउँदै चौलागाईले भने ।

फकाएर सम्बन्ध कायम गरेको देखिएको चौलागाईले जानकारी दिए । उनले भने, ‘तर अहिलेको कानुनले १८ वर्षभन्दा मुनीको बालिकासँगको सम्बन्धलाई बलात्कार मान्छ ।’ घटनाको विषयमा थप अनुसन्धान भइरहेको चौलागाईँले बताए ।

यसअघि पनि तरहराकै एक १४ वर्षीया बालिकालाई इटहरीको रिर्सोटमा लगेर दुईजनाले बलात्कार गरेको खुलेको थियो । उक्त घटना मिलाउन भूमिका खेलेको भन्दै स्थानीय जनप्रतिनिधि र प्रहरी अधिकारीसमेतको भूमिकामा शंका गरिएको थियो ।

सुनसरीका तात्कालीन प्रहरी प्रमुख एसपी विद्यानन्द माझीसमेत अनुसन्धानमा तानिएर ग्रेड रोक्कासहितको कारवाहीमा परेका थिए ।

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्