काठमाडौ । गीतकार नुतन भुसालको नुतन कृति नामक एल्बममा समाविष्ट गीत “तिमी आउने खुशीमा”को भिडियो सार्वजनिक गरिएको छ । सो गीतको भिडियो गितकार नूतनले म्युजिक युट्युबमार्फत सार्वजनिक गर्नु भएको हो ।
सुरेश राउतद्वारा सम्पादित यस म्यूजिक भिडियोमा चर्चित गायक विश्व नेपालीले आफ्नो सुमधुर स्वर दिएका छन् भन् भने संगीतकार सुनिल मास्केले संगीत भरेका छन् । चन्द्रमणी र पूजा गौतमद्वारा अभिनित यो गितको निर्देशन भोला तिमल्सिनाले गरेका हुन् भने छायाँकारमा रोहित विक्रम कार्की रहेका छन् ।
मानवीय उतारचढाव सँगसँगै रहेर जीवनका घटना परिघटना, पीडा, खुशी र इच्छा चाहनालाई सिमित राख्दै निक्कै मार्मिक शब्दहरूलाई संगालेर गीत रचना गर्न शिपालु गीतकार भुसाल विगत १२ वर्षदेखि विदेशीभूमि इजरायललाई कर्मथलो बनाउँदै आएकी छिन् ।
हजारौ असिमित चाहनाहरूको कुनै पर्वाह नगरी परिवारसँग ७ समुन्द्र पारी रहेर पनि नेपाली गीत संगीतप्रति अनवरत रूपमा लागि परेकी गीतकार भुसाल अन्तर्राष्ट्रिय कलाकार मंच इजरायल शाखा लगायत विभिन्न संघ सस्थामा आवद्ध रहेर समाजसेविकाको रुपमा चिरपरिचित छिन् ।
फूलहरुलाई धागोमा उनेसरी गीत रचनालाई मिलाउदै बल्ल एउटा राम्रो शब्द संयोजनमा मीठो स्वर संगीत भरेर श्रोतामाझ जीवन्त भएर आइदिंदाको खुशी नै मेरो अन्तरमनको खुशी हुने गीतकार भुसालको भनाई रहेको छ ।
गीतकार भुषालका अन्य गीतहरू पनि सुटिङको क्रममा रहेको बताइन् ।
आफू नेपाली गीत संगीतको क्षेत्रमा विना स्वार्थ लागिरहने प्रतिवद्धता जनाउँदै गीतकार भुसालले आफ्ना शब्दहरूलाई माया गर्ने र गुनासो गर्ने छुट श्रोताहरूलाई पूर्णरूपमा जिम्मा रहेको पनि बताइन् ।
हेर्नुहोस् भिडियो..
