वीरगंज १ असार । मधेश प्रदेश सभाको आजको बैठकमा अर्थमन्त्री सुनिलकुमार यादवले आगामी आर्थिक वर्ष २०८२/०८३ को लागि ४६ अर्ब ५८ करोड २९ लाख ५१ हजारको बजेट प्रस्तुत गरेको छ । मधेश सरकारले भौतिक पूर्वाधार, रोजगार, कृषि, शिक्षा, स्वास्थ्य, उद्योग, पर्यटन, यातायात लगायत क्षेत्रलाई समेटेर आगामी आर्थिक वर्षको लागि ४६ अर्ब ५८ करोडको बजेट ल्याएको हो । चालु तर्पm १६ अर्ब ७२ करोड ५ लाख १७ हजार विनियोजन गरिएको छ । यो कुल बजेटको ३५.८९ प्रतिशत हो । यस्तै पुँजीगततर्पm ३० अर्ब २६ करोडको २८ लाख ३४ हजार बजेट विनियोजन गरिएको छ । यो कुल बजेटको ६४.११ प्रतिशत हो । चालु वर्षको तुल्नामा ६.१ प्रतिशतले बढेको हो । सबभन्दा बढी बजेट भौतिक पूर्वाधार तर्फ विनियोजन गरिएको छ । भौतीक पुर्वाधार विकास मन्त्रालयलाई १५ अर्व ८८ करोड विनियोजन गरिएको छ । स्वास्थ्य तथा जनसंख्या मन्त्रालयलाई ६ अर्व ४५ करोड, उर्जा सिचाँई तथा खानेपानी ४ अर्व ४१ करोड, शिक्षा तथा संस्कृती मन्त्रालय तर्फ ३ अर्व ५७ करोड विनियोजन गरिएको छ । यस्तै उद्योग बाणिज्य तथा पर्यटन तर्फ ३ अर्व ८ करोड, कृषि मन्त्रालय तर्पm २ अर्व ८३ करोड, वन तथा वातावरण २ अर्व ३७ करोड, खेलकुद तथा सामाजिक कल्याण १ अर्व ६८ करोड विनियोजन गरिएको छ । सबभन्दा कम बजेट गृह सञ्चार तथा कानुन तर्फ ६४ करोड ८९ लाख र श्रम तथा यातायात मन्त्रालय ५७ करोड १४ लाख छुट्याएको छ । बजेट आन्तिरक राजश्ज वाट ९ अर्व ५० करोड ८३ लाख, वितिय समान्यीकरण अनुदानबाट ७ अर्व ७२ करोड १९ लाख, सशर्त अनुदानबाट ४ अर्व २६ करोड १८ लाख, विशेष अनुदानबाट ३९ करोड ४५ लाख, समपुरक अनुदान ३५ करोड ८२ लाख गरि कुल जम्मा १२ अर्व ६३ करोड ६४ लाख छ । यस्तै संघीय राजश्व बाँडफाटबाट १२ अर्व ३४ करोड ४५ लाख र गत वर्षको मौज्दात १० अर्व ३८ करोड २ लाख ५१ हजार र घटेको रकम २ अर्व आन्तिर श्रृणबाट जुटाइने अर्थमन्त्री यादवले जानकारी गराएका छन् ।